Ijahis Idja Main Stage Set

Borgemánu 17. beaivve 2024:is vásihin juoga hui erenoamáš dáhpáhusa iežan karriearas go bessen čuojahit ovttas DJ Ailoin Ijahis Idja festivála váldolávddis Anáris, Suomas.  Dasto maŋŋá go Mari Boine lei geargan de beasaime lávddi ala iežame DJ šovvain mii bisttii olles diimmu.  Munnje lei dát hui erenoamáš dáhpáhus.  Moai kombineriime iežame musihka heivehuvvon visuálalaš elemeanttaiguin juoga mii mielddisbuvttii erenoamáš atmosfeara. 

 

Munnje mielddisbuvttii dát konsearta mearkkašahtti ovdáneami.  Dan sajis go čuojahit smávit klubba lávddiin de bessen stuorát festivála lávdái.  Šattai erenoamáš muitinveara eahket go bessen juogadit dán dáhpáhusa ovttain eará sámi DJ:in, DJ Ailoin. 

 

Dovdui dego dohkkeheapmin vásihit ahte elektronalaš musihkka beasai festivála váldolávdái.  Mu mielas lea dát stuorra dáhpáhus mii mielddisbuktá ahte sámi musihkkalávdi stuorru ja lei mávssolaš beassat leat oassin dán dáhpáhusas. 

 

Konseartta muittán erenoamáš bures iežan mátkkis sámi artistan ja lean giitevaš go bessen juogadit iežan musihka dán láhkai.  Giitu, Ijahis Idja!»